ლიპოიდური ნეფროზი

ლიპოიდური ნეფროზი თირკმლის გორგლების ამომფენი ეპითელიუმის დაზიანებაა, რომლის დროსაც იზრდება გორგლების განვლადობა სისხლის შრატის ცილების მიმართ. დაავადება ხასიათდება ნეფროზული სინდრომის უეცარი განვითარებით, ყველა ნიშნის მაქსიმალური  გამოვლენით. განსაკუთრებით გამოხატულია სახის, წვივების,  ტერფების, ფერმკთალი შეშუპება. თუმცა ლიპოიდური ნეფროზის დროს გლომერულონეფრიტისაგან და ყველა მეორადი გლომერულოპათიებისაგან განსხვავებით, არ აღინიშნება ჰემატურია  და არტერიული ჰიპერტენზია.